महोत्तरीको बिजलपुरामा दोश्रो आमन्त्रीत अन्तर्राष्ट्रिय गोजुरीयो कराँते प्रतियोगीता हुने भएको छ । महोत्तरी गोजुरीयो कराँते संघ को आयोजनमा कराँते प्रतियोगीता हुन लागेको हो । कराँते प्रतियोगीतामा नेपाल, भारत र भूटानको कराँते खेलाडीहरुको सहभागीता रहने संचारकर्मी विनोद श्रेष्ठले जानकारी दिनुभयो । कराँते प्रतियोगीता यही पौष १४ र १५ गने बिजलपुरामा रहेको जनता उ.मा.वि. डाँडाटोलको प्राङ्गणमा हुने महोत्तरी गोजुरीयो का संयोजक एवमं प्रशिक्षक सन्तोष दर्लामीले बताउनुभयो । नेपालमा खेलकूदको विकास संगै यूवाहरुले खाली समयमा लागूपदार्थको दुव्र्यसनी बाट टाढा राख्ने उद्देश्यले कराँते प्रतियोगीताको आयोजना गरीन लागेको हो । कराँते प्रतियोगीताका लागी करिब ५ लाख ८५ हजार ८ सय रकम समेत जम्म भइसकेको दर्लामीले बताउनुभयो ।यस भन्दा १० बर्ष अगाडी पहिलो अन्तर्राष्ट्रिय गोजुरीयो कराँते प्रतियोगीता सम्पन्न भएको थियो। अन्र्तराष्ट्रिय स्तरको प्रतियोगीता आफ्नै गाउँम संचालन हुनेभएपछि स्थानीयबासीहरु हर्षित भएका छन् ।
