१७ पुस, काठमाण्डौ । वैंक बिक्रिका लागि हङकङको बिदेशी समूहसँग कुराकानी
भइरहेको छ-दश बर्षअघि खुलेको बाणिज्य वैंकका उच्च ब्यबस्थापक भन्दै थिए-
बिक्रिकै लागि कारोवार भइरहेको सेयर मूल्यभन्दा केही बढि मूल्य राखेका छौ.,
कुरा मिल्यो भने छिटै बिक्रिको टुंगो लाग्छ ।’
उनका अनुसार नाफा गर्ने क्षमता घट्दै गएको, संस्थालाई थप मजबुद बनाउन
नसकेको र राष्ट्रवैंकसँग सम्बन्ध चिसिदै गएका कारण वैंकलाई बिक्रिमा
राखिएको हो । बिक्रिपछि गाभिने र जोडिने गरि मर्जर पक्रियामा जान सक्छन् ।
यो एउटा उदाहरणमात्र हो । अहिले मुलुकका धेरै वाणिज्य वैंक बिक्रिमा छन्
। खासगरि छिमेकी मुलुक भारत र चीनका लगानीकर्ताले वैंकको सेयर किन्ने चासो
देखाइरहेका छन् । बिश्वासपात्रहरुमार्फत बिक्रिका लागि कुराकानी तिब्र
भइरहेको वैंक स्रोतहरुले जनाएको आजको कारोवार दैनिकले छापेको छ ।
नेपाल वंगलादेश वैंकको सवै सेयर बंगालादेशी कम्पनीले नै किन्ने आशयको
पत्र राष्ट्रवैंकमा पुगेको छ, भिवोर बिकाश वैंकले पनि बिदेशी लगानीकर्ता
खोजी रहेको छ । यस्तै कृषि बिकाश वैंकमा पनि बिदेशी साझेदार ल्याउन
मन्त्रिपरिषद्ले स्वीकृति दिइसकेको छ ।
हाल नेपालमा ३१ बाणिज्य वैंक, ९० बिकाश वैंक र ७९ फाइनान्सहरु छन् ।
वाणिज्य वैंकका अतिरिक्त बिकाश वैंक र फाइनान्सले पनि बिदेशी साझेदार
भित्राउने आशयसहितको निर्णय साधारणसभाबाट पारित गराएका छन् । यता केही
वैंकहरु भने मर्जरका लागि तिब्र छलफलमा जुटेका छन् ।
