यतिबेला कतिपय नेपाली सेलिव्रिटी फेस्टिभ मुडमा छन् । क्रिसमस इभ सेलिव्रेसन गरेका उनीहरूले आइतबारको क्रिसमस डे पनि मनाउनेछन् । धर्ममा हिन्दू भएपनि उनीहरूले क्रिसमस मनाएर धार्मिक सहिण्णुताको सन्देश दिए । क्रिसमस सेलिव्रेट गर्न उनीहरूले गेट–टुगेदरको प्लान बुनेका छन् । कतिले आगो ताप्दै क्यारोल खेल्ने पनि छन् ।हिरोइन नम्रता श्रेष्ठले लाजिम्पाटस्थित आफ्नै एटिक रेष्टुराँमा लेटनाइट क्रिसमस इभ पार्टी ज्वाइन गरिन् । डान्स पर्फमेन्स गरेकी नम्रताले साथीहरूसँग गेट–टुगेदर पनि गरिन् । ‘इभ निकै रमाइलो भयो’ क्रिसमसको शुभकामना दिँदै नम्रताले भनिन् । हिरोइन झरना थापाले त जारी होमप्रोडक्सन प्रोजेक्ट ‘फेसबुक’को सुटिङ सेटमा खसी काटेरै क्रिसमस इभ मनाइन् । मासुसहितको पार्टीमा उनले सुटिङ क्रिउसँग इभमा रोमान्स गरिन् । इभ पार्टीले बालाजु ल्याब रमाइलोमा थियो ।
जेसिस जमघटमा सौराहा पुगेका हिरो राजवल्लभ कोइरालाले इभमै काठमाडौं फर्किएर मोक्षमा १९७४ एडी ब्यान्डको कन्सर्टमा सहभागिता जनाए । ‘लेटनाइट पार्टी, गेटटुगेदर र रमाइलो भयो’ राज भन्छन्, ‘फेस्टिभल मनाउने प्यार्टन त एउटै हुन् तर धार्मिक सहिष्णुता झल्काउने हाम्रो प्रयास राम्रो छ ।’ निर्देशक सुदर्शन थापाले पेरिसमै परिवारसँग क्रिसमस मनाए । निर्देशक मुर्रे केरले काठमाडौंमै क्रिसमस मनाए । सेलिव्रिटीले सोसल साइटका वालमा लेखेका छन् –मेरी क्रिसमस ।’
