राजकरण महतो,तराईको ग्रामिण समूदायमा भाई बहिनको सुमुधुर समबन्ध को रुपमा मनाईने आईरहेको समाचकेवा पर्वलाई ग्रामिण समूदायमा अमm लोकप्रिय बनाई लोप हुनबाट जोगाउने उद्देश्यले महोत्तरीको बिजलपुरा ४ र ९ मा मैथिली मञ्च बिजलपुराले आइतबार देखी सामाचकेवा कार्यक्रम शुरु गरेको छ । बिजलपुरा गाविसको आर्थिक सहयोग र मैथिली मञ्च बिजलपुराको अगुवाई मा कार्तिक पूर्णिमा सम्म कार्यक्रम सञ्चालन भएको हो । कार्यक्रममा २ दर्जन भन्दा बढि दिदीबहिनीहरुलाई मञ्चले सामा चकेवा कार्यक्रम मा आवश्यक पर्ने सामाग्री खरिद गर्नको लागी आर्थिक सहयोग समेत गरेको मञ्चका अध्यक्ष रंजित महतोले बताउनुभयो । संस्थाले गएको दशैंभरी मिथिलाञ्चलमा लोकनाट्यको रुपमा प्रसिद्ध झिंझिया कार्यक्रम समेत गरेको मञ्चका कोषाध्यक्ष राजकरण महतोले बताउनुभयो । मञ्चले मैथिली भाषा, साहित्य, संस्कृति लाई जगेर्ना गर्ने उद्देश्यले विभिन्न कार्यक्रम सञ्चालनमा ल्याउने बताएको छ । साथै संस्थाले मैथिली मञ्च नामक त्रैमासीक म्यागजिन समेत प्रकाशनमा ल्याउने भएको संस्थाका सचिव धमेन्द्र कुमार लभ ले जानकारी दिनुभयो ।
